a cura di Marco Forni

Iat

Canche doi vocai che s’anconta ne fej nia n difton, pona vëniel a se l dé n iat (dal lat. hiātus 'giaurida, spartizion'). L vën pronunzià, auzà ora, sibe un che l auter vocal.
Sce n pronunzieia anuel auden ora n iat. La parola puech, ntant sce, à n difton. Te: inier fans na bela cumpania, iel n iat, ma te: ëila ie na bona cumpania, ons n difton.

ma/e/ster, li/on, o/a/sa, po/et, re/at

plu/a/ni/a, cum/pa/ni/a, a/nu/el, su/e/da

re/in/car/na/zion, re/u/nion, re/u/ni/fi/ca/zion, tri/an/gul


Te n valguna paroles iel dan l difton -ëu- l vocal -i-. Te chësc cajo vëniel a se l dé n iat, chësc uel dì che l vocal -i- vën spartì dal difton che vën do.

ca/pri/zi/ëus, mi/ëur, za/ri/ëus

De prinzip iel da dì che, dantaldut tl rujené debota, chësta cumbinazion possa nce unì realiseda tres n trifton.