Coche, sciche o sciche sce

coche ‘wie’ / ‘come’. Chësta forma vën adurveda sciche congiunzion per nvië via na frasa subordineda ogetiva.

Coche possa unì adurvà nce te n cunfront:

	Chësc ie tan bel coche chël cavia.
o nce cun che:	Chësc ie tan bel che chël cavia.
miec de:	Chësc ie tan bel sciche chël cavia.

Te cunfronc vëniel adurvà nce sciche, ma dantaldut te esprescions idiomatiches:

fosch sciche* n corf*	bon sciche* l pan*
scur sciche* te n fol*	oml sciche* n aniel*
durmì sciche* n ciuch*	lëis sciche* n bedoi*
lize sciche* na jiefa mola*	mat sciche* n puron*
asvelt sciche* na bulëura*	dur sciche* n corn*
sëurt sciche* na ciampana*	fata su sciche* n pavon*
mol sciche* n punjin*	dessenà sciche* n podl*

La forma ‘sciche sce’ ie na congiunzion cun chëla che mët man frases de senificat modal. L ie miec dì sciche sce ‘wie wenn’ / ‘als ob’ / ‘come se’ (mpede: coche sce):

Ncuei iel tan bon ciaut sciche sce l fossa d’instà.
I sculeies fova tan cuntënc sciche sce l fossa n di de festa.
L fova tan sprigulà sciche sce l ëssa udù l malan.
L ova tan la ciera sciche sce l ne fossa nia nton.

zeruch inant