a cura di Marco Forni

Grafems furesć k, q, w, x, y

Chisc pustoms vën dant te paroles furestes nia assimiledes tl ladin:

hockey, kitsch, kiwi, shock
show, watt, weltanschauung
extra, taxi, xilofon, xilografia
nylon, yacht, yoga

La majera pert de chësta paroles à mé l singuler.

Vel’una possa vester adateda n pert ala grafia y morfologia ladina:

xenofob ag. (-s, -a, -es)
xilografia che à nce la forma pl. xilografies

L pustom q vën mé scrit cun paroles furestes (dantaldut dal latin) nia assimiledes coche:

quiz, quorum

Mpede chësc pustom adurvons l pustom c:

cualità, cuantità, cuarz, scuadra