zeruch inant

L pronom personel

tonich	aton	ejëmpli
ie	–	Ie son Markus.	Son Markus.
tu	te	Tu ies n mut.	Te ies n mut.
ël ëila	l la	Ël va a cësa. Ëila saluda.	L va a cësa. La saluda.
nëus	–	Nëus saludon la maestra.	Saludon la maestra.
vo	–	Vo durmieis.	–
ëi ëiles	i les	Ëi lëura. Ëiles maia la tëurta.	I lëura. Les maia la tëurta.

L ladin à doi sortes de pronoms personei: chël azentà o tonich y chël nia azentà o aton. L pronom personel tonich dà plu pëis al soget.
Tl gherdëina ne muessen nia scrì ora l pronom personel ie y nëus.
Per la forma de crianza vëniel adurvà l pronom persunel dla segonda persona plurela Vo o Ve:

Chi sëis’a Vo?
Co Ve vala pa?