Curs de ladin per prinzipianc
Bënunì/bënunida
a chësc curs de ladin online.
L curs ie debant
y l vën metù a jì
dal Istitut Ladin Micurá de Rü.
Nosc fin prinzipel
ie chël de te pité na puscibltà
de mparé la rujeneda te na maniera plajëula y,
tant che l ie mesun,
nce intuitiva.
L curs ie spartì su
te 12 lezions
cun cunversazions y tesć da scuté su,
animazions da ti cialé
y uniteies didatiches de ortografia,
gramatica y sintassa,
cun eserzizies y soluzions da cialé do.
L curs spidlea situazions de vita da uni di,
manieres de dì
y esprescions tipiches
dla vita danter la montes.
Te uni singula lezion
abines cuntenuc didatics,
acumpaniei da na traduzion de sustëni
tla rujenedes taliana,
tudëscia o nglëija.
Al mumënt dla iscrizion
puderes crì ora ciuna rujeneda de sustëni
adurvé ntan l curs.
Te posses nce te desćiarië ju
uni singula lezion
te n format pdf.
Per te fé plu saurì a mparé
posses daniëura jì a cialé do
de d’autri strumënc didatics,
danter chisc i dizioneres online:
Dizioner ladin de Gherdëina – Talian
Mi prima paroles –
liber cun dessënies per pitli y granc
y la App Ladin che te posses desćiarië ju
da APP Store o Google Play.
Chier su:
“Dizionari ladini.”
Sun la plata web dl Istitut Ladin
iel nce cianties te cin rujenedes
(danter chëstes nce per ladin);
n valgunes abines te vel’ lezion.
Dutes ie da abiné sota l inuem:
Jon a cianté
Te posses desćiarië ju la App
da APP Store o Google Play.
Chier su:
“Jon a cianté”.
Dà na udleda ala prima lezion
y sce te ies nteressà/nteresseda
scrit ite al curs.
Curs de ladin per prinzipianc
Bënunì/bënunida
a chësc curs de ladin online.
L curs ie debant
y l vën metù a jì
dal Istitut Ladin Micurá de Rü.
Nosc fin prinzipel
ie chël de te pité na puscibltà
de mparé la rujeneda te na maniera plajëula y,
tant che l ie mesun,
nce intuitiva.
L curs ie spartì su
te 12 lezions
cun cunversazions y tesć da scuté su,
animazions da ti cialé
y uniteies didatiches de ortografia,
gramatica y sintassa,
cun eserzizies y soluzions da cialé do.
L curs spidlea situazions de vita da uni di,
manieres de dì
y esprescions tipiches
dla vita danter la montes.
Te uni singula lezion
abines cuntenuc didatics,
acumpaniei da na traduzion de sustëni
tla rujenedes taliana,
tudëscia o nglëija.
Al mumënt dla iscrizion
puderes crì ora ciuna rujeneda de sustëni
adurvé ntan l curs.
Te posses nce te desćiarië ju
uni singula lezion
te n format pdf.
Per te fé plu saurì a mparé
posses daniëura jì a cialé do
de d’autri strumënc didatics,
danter chisc i dizioneres online:
Dizioner ladin de Gherdëina – Talian
Mi prima paroles –
liber cun dessënies per pitli y granc
y la App Ladin che te posses desćiarië ju
da APP Store o Google Play.
Chier su:
“Dizionari ladini.”
Sun la plata web dl Istitut Ladin
iel nce cianties te cin rujenedes
(danter chëstes nce per ladin);
n valgunes abines te vel’ lezion.
Dutes ie da abiné sota l inuem:
Jon a cianté
Te posses desćiarië ju la App
da APP Store o Google Play.
Chier su:
“Jon a cianté”.
Dà na udleda ala prima lezion
y sce te ies nteressà/nteresseda
scrit ite al curs.