Partizip

L verb ausilier unì à la forma dl partizip passà unit per furmé l passif, mé sce l vën a sté ala fin dla frasa. Te chësc cajo iel azentà.

nia:

*L ie unit judà dai cumpanies. (L sona nce mel)

ma:

L ie unì judà dai cumpanies.

Sce l verb unì ne vën nia adurvà sciche verb ausilier, pona ons tl partizip passà de regula la forma unit: ie son unit. Purempò auden nce suvënz la forma scurteda: ie son unì, dantaldut sce la secuënza che vën do ie azenteda:

Tu ies unì da Bulsan.

mpede: Tu ies unit da Bulsan.

Tramedoi formes ie da azeté.